સુરત શહેરના મહિધરપુરામાં હીરા વેપારી સહિત છ વેપારીને ઝાંસો આપનારા હીરાદલાલ રાહિલે અન્ય વેપારીઓ સાથે પણ ઠગાઇકરી હતી. રૂષભ વોરા સાથે ૩૦ લાખ તથા અન્ય પ વેપારી મળી ૬ વેપારીના ૧.૨૦ કરોડના હીરા હડપ કરી ગયો હતો. રૂષભ વોરાએ ફરિયાદ આપતા મહિધરપુરા પોલીસે રાહિલ મિતેશ માંજની (ઉ.વ.૪૯, રહે- આનંદવિલા એપાર્ટમેન્ટ, દીપા કોમ્પલેક્સ, અડાજણ પાટિયા) સામે ગુનો નોંધી ધરપકડ કરી હતી.
અડાજણમાં દિપા કોમ્પલેક્સ સોસાયટીમાં અરિહંત વિલા બિલ્ડિંગમાં રહેતા રૂષભભાઇ ચંપકભાઇ વોરાહીરાના વેપારી છે. મહિધરપુરા-જદાખાડી ખાતે કનકશાંતિ બિલ્ડિંગમાં યુગ મહેતા સાથે તેઓ ભાગીદારીમાં ઓફિસ ચલાવે છે. છેલ્લાં ચારેક માસથી દૂરના સંબંધી રાહિલ માંજની હીરાદલાલ તરીકે કામ કરતા હોય તેમણે રૂષભ વોરાની ઓફિસે આવી ધંધાકીય સંબંધો સ્થાપ્યા હતા.
હીરા બજારમાં હીરાની લે-વેચ નક્કી થયા બાદ લેનાર પાર્ટી તેમજ વેચાણ કરનાર પાર્ટી એકબીજાની હાજરીમાં પાર્સલને શીલ મારી તેના પર બંને પાર્ટીની સહિ કરે છે. ત્યારબાદ શીલબંધ પાર્સલ પરત આપી લેનાર પાર્ટી પેમેન્ટ કરે ત્યારે પાર્સલ કે હીરાની ડિલીવરી કરવાની રહે છે. શરૂ-શરૂમાં તેઓ વચ્ચે બિઝનેસ બરાબર ચાલ્યો હતો. ત્યારબાદ ગત તા.૧૩-૨-૨૩ના રોજ રાહિલે તેઓની ઓફિસે જઇ એક જ્વલેરી વેપારીને વધુ પ્રમાણમાં હીરાની જરૂરિયાત છે એમ કહીં ૪૫.૯૧ કેરેટ વજનના હીરા લઇ ગયા હતા.
માર્કેટના નિયમ પ્રમાણે ૧૨.૦૮ લાખ વજનના હીરાનું પાર્સલ રાહિલને પરત પાર્સલ શીલબંધ હાલતમાં રૂષભ વોરાને આપી ગયો હતો. ટોકન પેટે ૨ લાખ ચૂકવ્યા હતા અને બાકીનું ૧૦.૦૮ લાખનું પેમેન્ટ એક-બે દિવસમાં ચૂકવવાની ખાત્રી આપી હતી. ત્યારબાદ વધુ હીરાની માંગ કરી એક સાથે પેમેન્ટ ચૂકવવાનો વાયદો આપ્યો હતો. જેથી વોરાએ રાહિલને હીરાના છ પેકેટ આપ્યા હતા.
રૂા.૧૯.૯૬ લાખના આ હીરાના પેકેટ ચેક કર્યા બાદ બે પાર્સલમાં મુક્યા હતા અને બંને પાર્સલ પર સહી કરી શીલબંધ કરી દીધા હતા. જોકે, દિવસો વિતવા છતાં રાહિલ હીરા લેવા આવ્યો ન હતો. તેને હીરાના પાર્સનું શીલ તોડવાની પણ ના પાડી હતી. દિવસો વિતી ગયા બાદ માર્કેટમાં તપાસ કરતા રાહિલે અન્ય વેપારીઓને પણ ચૂનો ચોપડયો બોવાનું બહાર આવ્યું હતુ. જેથી શંકા ઉપજતા રૂ,ભ વોરા અને તેમનો પાર્ટનર હીરાના શીલબંદ પાર્સલ લઇ અડાજણ પાટિયા ખાતે રાહિલના ઘરે ગયા હતા અને રાહિલ તથા તેના પરિવારજનોની હાજરીમાં પાર્સલ ખોલતા તેમાંથી ગુટકાના ટૂકડા નીકળ્યા હતા.
